მარტივად ამოსაცნობი ნიშნები, თუ როდის უნდა გამოცვალოთ თქვენი ავტომობილის აკუმულატორი.
სამწუხაროდ ჯერ არ გამოუგონიათ აკუმულატორი, რომელიც უსასრულოდ მუშაობს. ყველა აკუმულატორი ოდესმე გამოდის მწყობრიდან, მისი მუშაობის ხანგრძლივობა კი მის ხარისხზე და თქვენი სიარულის სიხშირეზეა დამოკიდებული. ამ პოსტში გაგაცნობთ იმ დამახასიათებელ ნიშნებს, რომლებიც მიუთითებს რომ შესაძლოა თქვენი აკუმულატორი მწყობრიდან გამოდის და მალე გიღალატებთ.
⚠️ განათების დაკლება:
ერთერთი პირველი ნიშანი, რომ თქვენი აკუმულატორი დასუსტებულია ეს ინტერიერის ან ფარების ნათების დაკლებაა.
⚠️ ძრავის გაჭირვებით დაქოქვა
ავტომობილს დაქოქვის მომენტში აშკარად მეტი დრო ჭირდება ვიდრე აქამდე, შესაძლოა პირველივე ცდაზე არც დაიქოქოს.
⚠️ გადამყვანებით ან დამქოქით დაქოქვა
ბოლო დროს ხშირად გიწევთ გადამყვანებით ანუ ე.წ. “პერემიჭკებით” ავტომობილის დაქოქვა ან სპეციალური ავტომობილის დამქოქი მოწყობილობით, როგორიც მაგალითად ამერიკული NOCO-ს ბრენდის დამქოქებია.
⚠️ აკუმულატორის ნიშანი მაჩვენებელთა დაფაზე
ავტომობილზე სუსტი აკუმულატორის გამო შესაძლოა მაჩვენებელთა დაფაზე აგინთოთ ჩეკის ან/და აკუმულატორის ნიშანი, რაც იმის ნიშანია, რომ აკუმულატორი სუსტია და მალე გამოვა მწყობრიდან. აკუმულატორის ნიშანი შესაძლოა დეფექტის მქონე დინამოს (გენერატორის) გამოც აგინთოთ.
⚠️ ცუდი სუნი ავტომობილის მუშაობისას
თუ ავტომობილით სიარულისას შეამჩნიეთ, რომ სალონში “ლაყე” კვერცხის ან გოგირდის მაგვარი უსიამოვნო სუნი შემოდის, ეს იმის მანიშნებელია, რომ აკუმულატორს პრობლემა აქვს. ასეთი სუნის შემჩნევისას აუცილებლად მოერიდეთ ავტომობილით სიარულს, რადგან აკუმულატორის აფეთქების საშიშროებაა.
⚠️ ძველი აკუმულატორი
როგორც თავდაპირველად ავღნიშნეთ, აკუმულატორის მუშაობის ხანგრძლივობა დამოკიდებულია მის ხარისხზე. პრემიუმ ხარისხის აკუმულატორები საშუალოდ 5 წელი მუშაობს, დამოკიდებულია ავტომობილის გამართულობაზე და თქვენი სიარულის სიხშირეზე, ამიტომ თუ თქვენი აკუმულატორი უკვე საკმაოდ ძველია, შეამოწმეთ მისი რესურსი და საჭიროების შემთხვევაში გამოცვალეთ, რომ აირიდოთ თავიდან დისკომფორტი.
⚡️ შეჯამება:
თქვენი აკუმულატორი დროთა განმავლობაში აუცილებლად გამოვა მწყობრიდან და ოდესმე გიღალატებთ, მთავარია ეს არ მოხდეს ისეთ დროს და სიტუაციაშია, რომლის გამოც შეგექმნებათ პრობლემები. ამიტომ ზემოთ ჩამოთვლილი ძირითადი ნიშნების დახმარებით შეძლებთ ადრეულ სტადიაზე იმის შემჩნევას, რომ დროა აკუმულატორი გამოცვალოთ. ხოლო ავტომობილში თუ მაგალიათად ამერიკული NOCO-ს ბრენდის დამქოქი გექნებათ, მარტივად შეძლებთ ავტომობილის დაქოქვას, სანამ ახალ აკუმულატორს შეიძენთ.
