როგორ გავიგო აკუმულატორი განმუხტულია (დამჯდარი) თუ გაფუჭებული
იმის გაგება აკუმულატორი განიმუხტა თუ მწყობრიდან გამოვიდა ხშირ შემთხვევაში მარტივია. თუ ავტომობილის პულტი მუშაობს, ასევე მაჩვენებელთა დაფა, ფარები, ინტერიერის განათება და აუდიო სისტემა ირთვება მაგრამ ავტომობილი არ იქოქება, ესე იგი აკუმულატორი განმუხტული არაა, მას სასტარტერო ძალა ანუ რესურსი აღარ აქვს, რაც ავტომობილის დასაქოქად არის საჭირო და თქვენი ავტომობილისთვის უვარგისია.
ხოლო თუ ავტომობილის კარი ვერ გააღეთ პულტით ან გასაღების გადაწევისას არანაირი რეაქცია არ აქვს ავტომობილს, მაშინ ძალიან დიდი შანსია თქვენი აკუმულატორი რაღაც მიზეზის გამო განიმუხტა.
რამ შეიძლება განმუხტოს (დასვას) აკუმულატორი
როგორც ნებისმიერი მოწყობილობის აკუმულატორი, ისე ავტომობილის 12 ვოლტიანი აკუმულატორი განიმუხტება (ჯდება). მისი სრულად განმუხტვის დრო დამოკიდებულია მასზე დაერთებული მოწყობილობის მიერ მოხმარებული დენით, აკუმულატორის ამპერით და მისი მდგომარეობით.
აკუმულატორის განმუხტვის ორი ძირითადი მიზეზია, დაუდევრობა და მექანიკური დაზიანება.
დაუდევრობაა როცა ავტომობილში დაგრჩებათ ანთებული ფარები, გადაწეული გასაღები, ინტერიერის განათება, გათიშულ ავტომობილში საათობით ჩართული აუდი სისტემა ან დასამუხტად დატოვებული ტელეფონი.
მეკანიკური დაზიანებაა როცა ავტომობილის დინამო (გენერატორი) გამოვა მწყობრიდან და აღარ გიმუხტავთ აკუმულატორს. ასევე საკმაოდ გავრცელებულია ე.წ. “დენის მოპარვა”, რა დროსაც ავტომობილს ნორმაზე მეტი დენი მიაქვს აკუმულატორისგან როცა ავტომობილი გათიშულია. განმუხტვის დრო ამ შემთხვევაში დამოკიდებულია თუ რამდენი დენი მიაქვს ავტომობილს და რა დროით გყავთ ავტომომობილი გაჩერებული, შესაძლებელია ღამით გაჩერებული ავტომობილი დილით სრულად განმუხტული აკუმულატორით დაგხვდეთ.
რა მუხტავს აკუმულატორს
ყველა ავტომობილი დაქოქვის მომენტიდან მის გათიშვამდე აკუმულატორს მუხტავს მისი დინამოთი (გენერატორით) ანუ აკუმულატორი მუდმივად იმუხტება, როცა ავტომობილის დაქოქილია. სტანდარტული Lead-Acid ტექნოლოგიის აკუმულატორები 13.7-დან 14.4 ვოლტამდე იმუხტება, ხოლოდ EFB და AGM ტექნოლოგიიის აკუმულატორები 14.6-დან 15.2 ვოლტამდე.
როგორ მოვიქცე თუ აკუმულატორი განიმუხტა (დაჯდა)
თუ გაგიმართლათ შესაძლოა სპეციალური დამქოქი მოწყობილობით, მაგალითად ამერიკული NOCO-ს ბრენდის დამქოქით, დაქოქოთ ავტომობილი და შემდეგ ავტომობილის თუნდაც 1 საათის მუშაობით მისმა დინამომ (გენერატორმა) დამუხტოს აკუმულატორი.
თუ აკუმულატორი ძალიან განმუხტულია მოგიწევთ მისი სპეციალური დამტენით დამუხტვა. ამ შემთხვევაში მოგიწევთ მისი მოხსნა და რომელიმე სერვისში მიტანა სადაც აკუმულატორის დამუხტვა შეუძლიათ, შემდეგ მისვლა, წამოღება და დამონტაჟება.
ასევე შეგიძლიათ შეიძინოთ ამერიკული NOCO-ს ბრენდის ჭკვიანი დამტენი და თქვენით სახლში, გარაჟში ან ეზოში დამუხტოთ აკუმულატორი. ნოკოს ბრენდის ჭკვიანი დამტენით შეგიძლიათ ავტომობილშივე დააერთოთ აკუმულატორზე ის, არ საჭიროებს ზედმეტ ყურადღებას და დამუხტვის კონტროლს. ის თვითონ ხვდება როდის არის აკუმულატორი 100%-ზე დამუხტული და გადადის ე.წ. “მოვლის” რეჟიმზე, რა დროსაც შეგიძლიათ მუდმივად დაერთებული დატოვოთ აკუმულატორზე დამტენი და ის ზუსტად იმ საჭირო დენს მიაწვდის აკუმულატორს, რაც მას სჭირდება, რომ არ განიმუხტოს და მაქსიმალურად შეინარჩუნოს რესურსი. შეგიძლიათ ნებისმიერი ტიპის Lead-Acid, EFB, AGM, Lithium, 12v და 6v აკუმულატორების დამუხტვა და მოვლა.
რა დრო სჭირდება აკუმულატორის დამუხტვას
აკუმულატორის დამუხტვის დრო დამოკიდებულია მის ამპერზე, რამდენ ვოლტზეა ის განმუხტული და რა მდგომარეობაშია. ასევე რა მოწყობილობით მუხტავთ მას. მაგალითად NOCO-ს ბრენდის GENIUS10 მოდელს სრულად განმუხტული 100 ამპერიანი აკუმულატორის 100%-მდე დასამუხტად 7 საათამდე დასჭირდება.
რჩევა თუ როგორ უნდა აირიდოთ თავიდან აკუმულატორის განმუხტვა
როგორც თავში ავღნიშნეთ აკუმულატორის განმუხტვის ორი ძირითადი მიზეზია დაუდევრობა ანუ თქვენი უყურადღებობა და ავტომობილის მექანიკური დაზიანება.
რჩევაა ავტომობილის დატოვებისას მუდმივად გადაამოწმოთ რომელიმე ელექტრო კომპონენტი ხომ არ გრჩებათ ჩართული. ახალი თაობის ავტომობილების უმეტესობაში ფარების ან ინტერიერის განათების ჩართული დატოვება პრობლემა აღარაა, მათი სისტემა რამდენიმე წუთის შემდეგ ავტომატურად თიშავს მათ.
რაც შეეხება მექანიკურ დაზიანებად ამ დროს საჭიროა სპეციალისტის ჩარევა, რომ გამოიკვლიოს მიზეზი. ავტომობილის დინამოს შემოწმება საკმაოდ ადვილია, მხოლოდ მულტიმეტრი დაგჭირდებათ, რომ შეამოწმოთ დაქოქილ მდგომაროებაში ავტომობილი რამდენ დენს აწვდის აკუმულატორს. დენის მოპარვის პრობლემის მოძებნა და შემდეგ მისი აღმოფხვრა შედარებით შრომატევადი საქმეა.
რა ხდება თუ ჩვენთან შეძენილი აკუმულატორი განიმუხტა (დაგიჯდათ)
ჩვენთან შეძენილი აკუმულატორის ნებისმიერი მიზეზით განმუხტვის შემთხვევაში, ჩვენ მოვალთ თქვენთან, ამოვიღებთ ჩვენთან შეძენილ აკუმულატორს, წავიღებთ, დაგიმუხტავთ და დროებით სანამ თქვენი აკუმულატორი დაიმუხტება და დაგიბრუნებთ, სხვა აკუმულატორს გათხოვებთ, რომ შეძლოთ ავტომობილით სარგებლობა. დამუხტული აკუმულატორის დაბრუნების შემდეგ კი ადგილზევე გამოვიკვლევთ რის გამო განიმუხტა აკუმულატორი, შეგიმოწმებთ როგორც დინამოს (გენერატორს) მუშაობას, ისე ე.წ. “დენის მოპარვას”.
პრაქტიკიდან გამომდინარე 99% შემთხვევაში როცა აკუმულატორის 8 ვოლტზე დაბლაა განმუხტული მიზეზი დაუდევრობა ან მექანიკური დაზიანებაა. თუ ხშირად სარგებლობთ ავტომობილით გამორიცხულია აკუმულატორი თავისი მიზეზით განიმუხტოს 8 ვოლტზე დაბლა.
